Sed por ne nur babili pri ili, mi tuj prezentas unu el iliaj kantoj. “Lasu la malĝojon flugi” estas kanto verkita de Julián Hernández Angulo. La filmeto estis registrita la 27-an de julio 2010 dum koncerto de Amindaj okazinta kade de la 66-a Internacia Junulara Kongreso de TEJO en Villa Trópico. Gaste la fluton ludas Mario Serghinho Rosales Donayre el Peruo.

Biermalfermilo

E@I ĵus lanĉis konkurson “Monato de Vikipedio“. Ĝi celas instigi homojn al verkado de vikipediaj artikoloj. En aprilo oni povas kontribui al artikoloj el listo de 1000 plej gravaj artikoloj kiujn ĉiu Vikipedio havu kaj aliĝi al la konkurso. Inter la ĉefaj premioj estas libroj, T-ĉemizoj, DVD-j, sed ankaŭ partopreno en SES. Tamen eblas fondi ankaŭ individuajn premiojn, do jen mi faris :)

Ĉiam veturante al iuj landoj mi havas problemon, ke mi ne scias kiujn lokajn bierojn mi provu, ĉar nenie estas bonaj informoj pri tio. Estus bone, se esperantistoj pli aktive skribu en vikipedio pri bieroj, por ke vizitonte iun landon oni antaŭe sciu kion serĉi en vendejoj. Do mian premion, kiu estos biermalfermilo “Esperanto – Probably the best language in the world” (en la foto), ricevos plej bona kontribuo al la artikolo pri biero. Se vi volas gajni biermalfermilon – kontribuu! :)

Cetere, post kelkaj tagoj anonciĝos alia konkurso, ĉi-foje organizata de PEJ, kie ankaŭ eblos gajni tiun malfermilon (sed ne nur), do sekvu la novaĵojn.

PEJ-evento en Yahoo

Pola Esperanto-Junularo, samkiel pluraj E-organizoj, preparis iun formon de solenaĵoj ligitaj kun 150-a naskiĝdatreveno de Zamenhof. Ni celis ĉefe eksteran agadon kaj koncentriĝis pri kelkaj vendejoj en Varsovio, proksime de loĝloko de Zamenhof. Tie ĉe diversaj vendataj varoj, anstataŭ la polaj, aperis etikedoj kun iliaj nomoj en Esperanto. Pli detale pri tio oni povas legi en paĝaro de PEJ kaj vidi fotojn de la evento.

Apartan atenton meritas amaskomunikila sukceso, kiun ni iom neatendite atingis. Pri la evento informis kelkaj varsoviaj kaj tutlandaj gazetoj kaj radioj. Krome inter ĵurnalistoj estis reprezentantoj de Associated Press. Ankaŭ ili raportis pri tio kaj kion mi vidis sekvan tagon en interreto?

Europe marks 150th birthday of Esperanto creator

Tian titolon ricevis raportaĵo pri nia evento ne nur en Associated Press, sed ankaŭ reprenitaj tekstoj en Yahoo, TIME, The New York Times kaj almenaŭ kvindeko da aliaj amaskomunikiloj en la tuta mondo, de Malezio, tra Ukrainio kaj Irlando ĝis Usono. Krome Yahoo publikigis foton de nia evento.

Kaj tiel, nia fakte eta evento fariĝis ŝajne la plej fama en lamondo Zamenhof-festo en 2009 ;)

Temas pri septembraj laborrenkontoj, kiujn ni faris kune kun Historia Muzeo de Polaj Judoj. Ili rilatis al Esperanto kompreneble kaj plej interesa parto por mi estis preparado de grafitio-ŝablonoj rilataj al ideoj de Esperanto. Ĝenerale kunlaboro kun infanoj kaj gejunuloj dum tiuj kelkaj tagoj estis tre interesa, sed samtempe ankaŭ laciga ;)

Mi intence ne detal priskribas la eventon, ĉar raportoj jam aperis plurloke, do ne sencas refoje fari samon. Ĉi tie mi nur listigos ĉiujn retajn menciojn pri la laborrenkontoj:

• Raporto en Libera Folio (Esperante)
• Raporto en paĝaro de Pola Esperanto-Junularo (Esperante)
• Raporto en paĝaro de Pola Esperanto-Junularo (pole)
• Raporto en paĝaro de Historia Muzeo de Polaj Judoj (pole)
• Raporto en paĝaro de Historia Muzeo de Polaj Judoj (angle)
• Fotogalerio en mia facebook-profilo (priskriboj Esperante)

kia protolegomo el la arbaro! via odoraĉo memorigas pri dek kilogramoj da putraĵoj — la kokosvorulo neniigu vin he-he-he.

kaj tia:

kia malpura prastultulo el plej fia raso — vi ne pli valoras ol granda grego da pugotruoj ŝimaj — mi bone agu: mi ekstermu vin por la feliĉo de la homaro!

kaj ankoraŭ tia:

vi, rampa simiaĉo — vi haladzas kiel dek neniaĵoj malnovliberalaj! la rubistoj vin manĝu post deca bastonado.

Do, se vi volas ekkoni pli da similaj frazetoj, mem elprovu insultmaŝinon ĉe he verdulaĉo!

Kiel kantis Georgo Handzlik:

Ĉu kun tia stoko vorta, Esperanto estas morta?

Eldonaĵoj tamen bonis

IJK-afiŝo

Aparte pozitive surprizis min niaj eldonaĵoj – afiŝo kaj kongresa mapo (novforma kongres libro). Nelonge antaŭ mia forveturo al Ĉeĥio evidentiĝis, ke tamen mi devas fari ilin. Do mi faris – haste kaj ne tro bone, ĉar tempo pasis rapide kaj tio ĉiukaze prenis de mi ŝajne 2 noktojn kaj unu tagon. Surekrane la afiŝo aspektis iom kiĉe, kaj kongresa mapo plene ne profesie. Sed mi ŝanĝis opinion kiam mi vidis ĉion ĉi surpapere. Tiel bonkvalita eldono sukcesis dank’ al Boĥuŝ – ĉeĥa Esperantisto posedanta presejon. Certe eblus fari tion pli bone de nia flanko, se estus pli da tempo, sed tamen efiko estis plene kontentiga. Kaj ankaŭ T-ĉemizoj belegis (kaj sukcese forvendiĝis). Mi aparte ŝatis tiun sablan.

Loka grupo furoris

Sekva agrablaĵo (tamen fakte ne surpriza) estis koncerto de loka grupo PECH. La tuto organiziĝis iom hazarde. Nelonge antaŭ la IJK ni devis rearanĝi vesperan programon kaj ŝanĝi tagojn. Tiel nacia vespero trafis al loko kie ni havis menditan klubejon kaj ne grandan salonon. Do konkludo estis, ke ni faru koncerton de loka rokgrupo kadre de okazonta tie nacia vespero. Marek preparis longegan liston de grupoj el Liberec’ kaj apuda regiono. Estis tre diversaj – kelkajn mi tre ŝatis, aliajn eĉ ne aŭskultis (sufiĉis vidi foton ;) ). Fine Tina kaj mi elektis unuan kaj duan plej bonajn. Ni faris ankaŭ rezervan liston, sed esperis, ke ĝi tamen ne bezonatos. Kaj okazis miraklo – nia unuaelekta grupo konsentis. Surloke ni nur ceriĝis, ke estis vere bonega elekto :)

El programa teamo al la Estraro

Kiel fariĝi novelektita TEJO-Estrarno? Necesas membri en programa teamo de IJK ;) Estis al mi tute agrable konstati, ke ĉiuj novelektitaj estraranoj estas anoj de mia programa grupo. Ŝajnas, ke mi trafe elektas kunlaborantojn ;)

KLF en urba ĉefplaco

Mi devas honeste diri, ke estis la plej bona Kultur-Lingva Festivalo, kiun mi iam ajn partoprenis. Estis organizita vere imprese kaj profesie, kun subteno de la urbo, kaj en ties bela ĉefplaco. Samloke antaŭan tagon koncertis Jomo, do entute ni havis tre bonan eksteran efikon.

Drinkejo

Tiun drinkejon mi tre ĝuis. Fakte mi kutime ĝuas drinkejon, sed tiun ĉi iel aparte. Mi ne scias kiel klarigi, sed iel estis vere bona etoso kaj mi ŝatis esti tie, eĉ kiam mi deĵoris ĝis la 7-a matene. Do, dankegon al Tina, Rolf, Iris, Karlijn, Melinde, Simono, Aleĉjo, Agnieszka, aliaj kiuj helpis en ĝia funkciado kaj ĉiuj mojosuloj surloke :) (fot. Andi Münchow)

Supernova debutis

Jes, vere! Malgraŭ ke unuan diskon ili eldonis jam antaŭ iom da tempo, por la unua fojo ili koncertis publike ĝuste en Liberec’. Do mi ĝis fino de mia vivo povos fieri, ke Supernova debutis en mia IJK ;) Vidu filmeton.

Kimo – vero pri koncerto sur tegmento

Kaj por fino mi lasis plej interesan aferon, do ĝuu tiuj, kiuj eltenis ĝis ĉi-tie ;) Fakte ĝis nun ni ne tro publikigis tiun informon, do eble kelkajn mi surprizigos. Tamen ĉiukaze mian blogon malmultaj legas, do la afero restos preskaŭ sekreta (se nur libera folio ne rimarkos tion kaj ne publikigos ĉe sia retejo ;) )

Tiuj, kiuj ĉeestis certe memoras, aliaj eble jam aŭdis pri aparte sukcesa koncerto de Kimo, kiu okazis sur tegmento de 8-etaĝa kongresejo. Dum ĝi eblis ĝui muzikon samtempe spektante sunsubiron malantaŭ Kimo. Mi plurfoje aŭdis opiniojn ke estis vere bonega ideo fari tie la koncerton. Sed…

Kimo koncertanta dum sunsubiro (fot. Ivo Miesen)

Du tagojn antaŭe ni havis koncerton en la sama klubejo, kie devus okazi tiu de Kim. Do plej granda parto de la sonsistemo estis lasita tie por ne porti. Ni havis en kongresejo nur du amplifilojn kaj du mikrofonojn (eĉ sen miksotablo) bezonatajn por aliaj programeroj. Proksimiĝis tempo de la koncerto, Kimo, kelkaj organizantoj kaj sonteknikistoj iris klubejen. Kaj tie atendis ilin fermita pordo kaj klubejo malplena… Ili atendis, el kongresejo aliaj organizantoj telefonis al la klubejestrino, sed vane – ŝia telefono ne funkciis kaj onidire ŝi estis la unusola posedantino de la ŝlosilo tiutempe. Evidentiĝis, ke la ejo ne estis finkonfirmita… Kion fari, tiaj aferoj okazas dum organizado de aranĝoj, do necesis trovi solvojn por 2 problemoj: manko de ejo, nekompleta sonsistemo.

Restis eble duonhoro ĝis koncerto. Tina kaj Kimo apud pordo de klubejo, Rolf kaj mi kongreseje. Kien ŝovi la koncerton? Salonoj tro malgrandas, ankaŭ diskejo. do venas ideo pri tegmento. Laŭ ŝtuparo ni kuris tiujn 9 etaĝojn kaj supre decidis – jes taŭgas! Do unue necesis alkonduki tie elektron, ĉar sur tegmento ne estis. Ni devis malkonstrui sendratan interreton por havi sufiĉe da plilongigiloj kaj sukcesis. Ĉar mankis miksotablo, la sonsistemo estis konstruita tiel: 1 mikrofono kaj akordiono estis konektita al unu amplifilo, dum al alia estis konektitaj dua mikrofono kaj baso. Ĉio estis “miksata” de du homoj starantaj apud amplifiloj. Krome la mikrofonoj estis per glubendo fiksitaj al amplifilaj stativoj, ĉar mikrofonojan ni na havis. Supren ni ankaŭ translokigis drinkejon. Estis la plej rapide improvizita koncerto, kiun mi iam ajn vidis. Kaj iel surprize funkciis bonege. Mi mem ne multe partoprenis ĝin, ĉar mi kuris tien kaj reen inter tegmento kaj oka etaĝo por porti ĉiam malvarmajn bierojn kaj reporti malplenajn kestojn. Tamen ĝuste tiun ĉi spontanan organizadon de koncerto mi plej ĝuis dum tuta IJK 2009…

Nova PEJ-paĝaro

Finfine, post longdaŭraj laboroj en la reto aperis tute nova paĝaro de Pola Esperanto-Junularo. Projektadon mi komenciĝis jam aprile, tamen pro organizado de Internacia Junulara Kongreso en Liberec’, ne eblis dediĉi al ĝi tiom multe da tempo, kiel mi volus.

Post reveno de ĉiuj someraj vojaĝoj do menciita jam IJK, sed ankaŭ Universala Kongreso en Bjalistoko kaj Mojosa Internacia Renkontiĝo en Kroatio, mi tuj havis multajn novajn taskojn. Elzemple necesis tuj prepari alvokon kaj invitilon por IJK 2011.

Tamen feliĉe eblis iel finfine trovi iom da tempo kaj reveni al PEJ-paĝaro. Estis multege pli da laboro ol mi supozis. Mi uzis sistemon de WordPress, samkiel ĉi tie, sed alian version – tiun pli komplikan, instalatan en propra servilo. Kompreneble kiel ĉiu sistemo, ĝi foje kaŭzis vere grandajn problemojn, speciale multlingviga aldonaĵo. Mi frustriĝis multfoje, sed almenaŭ efiko estas pli-malpli kontentiga. Ne tia, kiun mi volus, ĉefe pro tio, ke mi ne estas informatikisto kaj ne kapablas superi iujn teknikajn problemojn. Enhavajn mankojn mi poiomete kompletigas. Sed eble finfine mi ĉesu plendi kaj montru al vi la paĝaron. Jen:

http://pej.pl

Agrablan vizitadon ;)

La Eŭropa Komisiono preparis filmeton omaĝe al la jubileo. Ĝi montras vivon de Marta, junulino naskiĝinta ĝuste sammomente kun libera Pollando, kaj ankaŭ bildojn prezentantajn gravajn por Pollando momentojn de la lastaj 20 jaroj. Jen ĝi:

Traduko de la teksto apaeranta komence…

Kanto “New Year’s Day” (1983) de grupo U2 estis inspirita de okazintaĵoj en Pollando kaj de movado “Solidareco”.

…kaj fine de la filmo.

Marta Włóka naskiĝis la 4-an de junio 1989 je la 20-a horo. 20 jarojn antaŭe precize je la sama horo oni fermis balotejojn kaj komenciĝis kalkulado de veĉdonoj…

Junulara E-Semajno

FESTO