Pace kaj kace

KontaktoJam de kelkaj jaroj, kiel membro de TEJO, mi ĉiam vole-nevole ricevadis revuon Kontakto. Neniam ĝi vere interesis min, sed kutime mi trarigardis, foje eĉ legis iun artikolon. Tamen posintan sabaton okazis miraklo. Ĵus prenitan de la poŝtkesto duoblan (kio ja krome grandigas mian sukceson ;) ) eldonon de Kontakto (numero 226-227, 2008:4-5) dediĉitan al 70-jariĝo de TEJO mi tuj legis tute de komenco ĝis fino. Kio estas en ĝi tiom interesa? Jen eta recenzo.

La numero komenciĝas per du tekstoj de Gregor Hinker, kiuj malgraŭ kelkaj historiaj mencioj, ĉefe rialatas al la nuntempo, do ne tiom intersis min, ĉar ja hodiaŭan TEJO-n mi konas tre bone ;)

Sekvas komparo de la nuntempa organizo, kun TEJO de 1960-aj kaj 1970-aj jaroj fare de Renato Corsetti. Ni povas de tie ekscii, ke pro malpli facila vojaĝado, tiamaj partoprenantoj de IJK-j estis pli aĝaj ol la nuntempaj. Tio jes evidentas. Tamen malpli facile mi povas kredi tezon, ke IJK-j estis seriozaj renkontiĝoj kaj „se la tiamaj debatintoj estus antaŭvidintaj, ke nun dum IJK-oj oni instruos dancadon aŭ paper-faldadon, ili forŝirus de sur sia brusto verdun stelon”. Ja nuntempe ĉe IJK-j okazas programeroj distraj, sed ankaŭ temaj kaj movadaj. Supozeble ankaŭ tiam estis simile. Mi neniel povas imagi, ke tiama junularo estis ege serioza, malludema kaj eĉ ne imagis dancadon dum la kongreso. Eble simple verkinta la artikolon Renato Corsetti preferis tiujn seriozajn programerojn kaj ne momras aliajn? Aŭ pro sia hodiaŭa seriozeco klopodas ŝajnigi, ke ĉiam estis tiel, samkiel gepatroj ĉiam diras, ke ili estis bonkondutaj kaj bone lernis…

Ulrich Lins el Germanjo en sia artikolo detale priskribas okazintaĵojn en la 1968-a jaro. Fakte laŭ mi estas pli interese legi precizajn informojn pri unu jaro, anstataŭ nebulajn informojn pri pluraj jardekoj. Tio donas pli bonan imagon pri kio okazis.

Teksto de Giorgio Silfer estas plene antaŭvidebla. Ec antaŭ ol mi komencis legi, mi povis diveni, ke ĝi finiĝos per informo pri Esperanta Civito ;) Ĉiukaze mi certe riĉigis mian scion pri ties historio.

La 13-a paĝo de Kontakto aparte plezurigis min per ŝerca teksto de Felix Zesch kaj Ksenia Prilepskaya. Tiun vortludan primokon de frapfrazo „June kaj kune” kaj TEJO-varbado mi nepre rekomendas al ĉiuj :) Kaj por pligrandigi nombron de vizitoj en mia blogo mi prenis vortojn „pace kaj kace” al titolo de la blogaĵo ;)

Sekva artikolo estas represita de la Kontakto 137-138 el la 1993-a jaro kaj temas pri 30-jariĝo de la revuo. Dank’ al tu teksto mi eksciis kiom multe ŝanĝiĝadis Kontakto dum sia historio. Tamen mankas al mi, tute natura ĉi tie daŭrigo de la artikolo. Ja inter 1993 kaj 2009 pasis jam kelkaj jaroj…

Poste venas pluraj tekstoj de Roman Dobrzyński. La aŭtoro unue priskribas sian propran historion en la movado, tamen aparte emfazante kabaredon (kio pruvigas, ke tamen tiama junularo ne ĉiam seriozis) kaj humuraĵojn. Kaj do, ĝuste kelkaj humuraĵoj el tiu tempo estas la sekvaj en Kontakto. Lagente ilin mi vere ridegis :) Tiuj tekstoj aparte trafe primokas kelkajn fenomenojn de Esperanto-movado. Bedaŭrinde ĉi-tie publikigitaj estas nur 4. Mi volonte legus tutan libron de tiuspecaj humuraĵoj. Do certe kiam mi renkontiĝos ie kun Roman Dobrzyński mi nepre demandos lin pri aliaj tekstoj :)

Siajn pripensojn pri TEJO transdonis ankaŭ togolandano Adjévi Adjé. Ene de lia artikolo plej pensigis min jena fragmento: „per la aktivado en TEJO kiel komitatano mi ankaŭ rimarkis, ke en Eŭropo oni aŭskultas la opinion de ĉiuj, pli aĝaj kaj malpli aĝaj membroj diskutas kune, kaj fine faras decidojn surbaze de ĉies kontribuoj. Diference de tio, en Afriko la opinio de maljunulo ĉiam pli valoras”. Por mi tre interesa rimarko.

La eldonon finas impresoj de du aliaj afrikanoj pri TEJO kaj teksto de Roman Dobrzyński, kiu povasa aparte utili por Esperanto-llecionoj pri familio.

Resume mi devas diri, ke mi tute ne bedaŭras, tempon dediĉitan legado de Kontakto 226-227. Se eble iu samkiel mi, ne kutimas troe interesiĝi pri tiu ĉi revuo, ĉi-foje mi tamen rekomendas rompi la tradicion kaj provi. Vere indas.

Advertisements

~ de LukiZ pri mardo, 17 Februaro 2009.

5 komentoj to “Pace kaj kace”

  1. La titolo funkciis :) Se vi nomus la tekston “Recenzo pri la lasta Kontakto” mi certege fajfus pri gxi :)

    Novajn bontrovojn en la Esperanta gazetaro!

  2. Dankon :) Fakte estas jam dua tiuspeca reago por la supra teksto. Unu el miaj amikoj privatmesaĝe informis min, ke ĝuste dank’ al tiu enskribo kun misgvida titolo li tralegis ĉi tiun numeron de Kontakto (kion li malkutimas fari) kaj ne bedaŭris ;)

  3. Artikolo “Pace kaj kace – pri la varbado de TEJO” de Felix Zesch kaj Ksenia Prilepskaya aperinta en la recenzata numero de “Kontakto” estas publikigita en la blogo de Felix: http://felicx.livejournal.com/93036.html

  4. La plej stulta pri ĉi tiu blogo estas ke vi uzas nigran fonon. Vi probable ne deziras ke maljunuloj legu viajn tekstojn :-)

    Nu la artikolo “Pace kaj kace” en la gazeto Kontakto mi perceptis kiel mauza kaj spite al la “fekindaj” :-) vortoj la artikolo fakte diras ion escencan por tiu kiu legas ĝin se antaŭjuĝo.

  5. KaGu:-} skribis:

    La plej stulta pri ĉi tiu blogo estas ke vi uzas nigran fonon. Vi probable ne deziras ke maljunuloj legu viajn tekstojn :-)”

    Supozeble ne tams pri fonkoloro, sed pri grandeco de literoj. Tion eblas solvi en Firefox uzante klavojn “Ctrl” kaj “+” aŭ supran menuon: Aspekto -> Pligrandigo (supozeble en aliaj foliumiloj estas simile). Tiel eblas laŭplaĉe modifi grandecon de literoj kaj efike ankaŭ legeblecon de la teksto :)

Komentado estas fermita.